Kalaallit suliffeqarfeqarnermut akuutinneqarnerulernissaat Aalborgip sulissutigaa

Aalborgip kommunia iliuuseqarnialerpoq, innuttaasut Kalaallit Nunaannit kingoqqisut ikiorniarlugit suliffeqarfeqarnermut ilaalernissaat suliniutigineqalerluni. Suliffeqarfinnut tunngasunut Aalborgip kommuniani siunnersorti Torben Krogsgaard taama oqarpoq.

Inuussutissarsiutit pillugit Aalborgimi sapaatip-akunnerata siuliani ataatsimeersuartoqarmat, sulisussaqarneq, sulisussarsiorneq piginnaanngorsaqqiinerlu oqaluuserineqartuni pingaarnernut ilaapput. Aalborg tassaavoq Nuup illoqarfiata illoqarfittut ikinngutaa.

Kalaallit Aalborgimi suliffissaaleqisut suliffinnik misiliillutik iluatsittumik praktikkertut filmiliarineqarnerat aamma takutinneqarpoq. Jobcenter Aalborg Arctic Consensusilu suleqatigiillutik filmiliaraat.

- Kalaallit suliffeqarfinni praktikkertut misilittagaqarluarfigaavut. Suliffeqarfinnut ilaalersarput, akisussaaffimmillu tunineqartarlutik. Atorfissaqartinneqartutut misigisarput. Kalaallillu Aalborgimut nuussimasut amerlanerit ilinniagaqarluarsimasut suliffeqarfiit aamma paasilersarpaat, Torben Krogsgaard oqarpoq.

- Suliffeqarfiit aamma paasilersarpaat kalaallit sulisut iluaqutigalugit. Assigiinngisitaartuunerup ullutsinni suliffeqarfimmi pingaaruteqartuunera tassuuna takuneqarsinnaavoq, periarfissallu taassuma atorluarneqarnissaata tamanna takutiinnarpaa. Lise-Lottte Terp, Arctic Consesusimi pisortaq oqarpoq.

Arctic Consensus nunat Issittumiittut, Danmarkimut EU-mullu ataqatigiinnerunissaanut ilaatigut anguniagalik.