Kalaallit Shanghai-mi takutitsissapput

Eqqumiitsuliortut tassaapput: Filmiliortartoq Randi Broberg, eqqumiitsuliortoq Thue Christiansen aamma nipilersortartoq Ole Kristiansen. Eqqumiitsuliamik takutitsinermi aaqqissuussisuulluni Lana Hansen.

Takutinneqartussaq eqqumiitsuliortunit taakkunannga suliaavoq ataaseq. Taanna Randi Brobergip filmiliaraa, Thue Christiansenip takutinneqarfissa suliaralugu, qilaatitut isikkulerlugu, Ole Kristiansenillu filmi nipilersuutitalerpaa. Takutitassiap oqariartuutigaa Kalaallit Nunaanni silap pissusaata allanngortiartornera aammalu nunatsinni pinngortitaq uumasuilu.

Eqqumiitsuliortut taakku imminnut taasimapput Team Ego White Off. Expo 2010 maajip aallaqqaataani aammarneqaruni oktobarip 31-anni matussaaq.

Expo 2010-mi aaqqissuisut naatsorsuutigaat, inunnit 70 millioninit takuniarneqassasoq aammalu nunat 200-t sinneqartut takutitsinersuarmi peqataassasut.