Kalaallit Røde Korsiata Nuummi immikkoortortaa juullimut ikiorsiissutinik ullumi agguaassaaq

Ilaqutariit meerartallit pissakilliortut amerlasuut ajornatorsiutaat juullikkunni ersarinnerulersarput. Meeqqat juullisiortinnissaannut aningaasassaaleqisarput, tamannalu pissutigalugu juullip anersaava aamma amigaataalersarluni.
decembarip 04-at 2013 08:05

Suliniaqatigiiffiit ilaqutariinnik meerartalinnik juullisiorluarnissaannik ikiuisartut ilagaat Kalaallit Røde Korsiat, Nuummilu immikkoortortap ilaqutariit meerartallit pissakilliortut 147-t ukiormanna ikiorniarpai.

Ilaqutariinni pineqartuni meeqqat 315-it taamaasillutik juullisiorluarnissaannut ikiorneqartussanngorput. KRK ilaqutariinnut taakkununnga ikiorsiissutinik ualeru agguaassaaq. Tamannalu KRK-p illoqarfiup qeqqani atornikuerniarfiani pissaaq.

Ukiormanna qinnuteqartut 200-nit amerlanerupput, siulersuisullu qinnuteqaataat nalilersorsimavaat. KRK-p juuullimut ikiorsiissutitut 352.750 kr.-inik agguaassassaanit ilaqutariit 147-t ikiorneqassasut aalajangerneqarsimavoq. Aammattaaq ilaqutariinnut meerartaqarnerpaanut 20-inut orpiliassarsiutissamik immikkut tunniussisoqassaaq.

Aningaasat agguaassassat 352.750 kr.-iusut atornikuerniafiup sinneqartoorutaaneersuupput, aammalu Nuummi suliffeqarfiutillit arlallit meeqqat ilaqutariinnit pissakilliortuneersut juullisiorluarnissaannik tapersersuillutik tunissuteqarsimapput.

Juullimut tunniussassat ullumi nal. 13.00-ip 17.00-illu akornanni agguaanneqassapput