Kalaallit Røde Korsiata katersuisitsinerani ½ millione koruunit katersorneqarput
Aningaasat katersorneqartut ajunngivipput. Sapaatip akunnerata naanera tamarmi katersuiniarfiussaaq. Oqaatigineqartutut aamma aqagu ualikkut Danmarkimi katersuiniarneq aallartinneqassaaq. Taanna nal. 15.00 KNR-ikkut pissaaq aatsaallu siullermeerluta nunatsinni katersuiniarnermi pimoorutivillugu peqataassalluta.
Aamma sapaatiuppat Røde Kors illoqarfinni qulini, tassa Nanortalimmi, Qaqortumi, Narsami, Narsarsuarmi, Maniitsumi, Sisimiuni, Kangerlussuarmi, Aasianni, Qasigiannguani Ilulissanilu illut naarisarlugit katersuiniartitsissaaq. Sumiiffinni tamani katersuiniarnerit piffissami quliniit arfinermut pissapput.
Isumassarsiullaqqinneq aamma amigaataaneq ajorpoq, Afrikamut Haitimullu aningaasanik katersuiniarneq pineqartillugu. SF-ip partiitut siulittaasua nuannarineqaqisoq Villy Søvndahl unnussiuaaqatigerusukkukku taava takorluukkat piviusunngorsinnaavoq. Angut taanna akitsorterussivimmi Lauritz-dot-com-imi akisunerpaamik akiliiniartumut tuniniarneqarpoq. Unnukkut Christiansborgip Folketingillu sutorniartarfiata Snapstingip takuniarnissaat ilaatinneqarput. Soormi misilikkaanni?
