Kalaallit Røde Korsiata immikkoortortaqarfii amerliartortut

Tasiilami kajumissutsiminnik suliaqartut, ukioq alianartunik pisoqarnerata kingorna illoqarfimminni Røde Korsip immikkoortortaqarfianik pilersitsiniarlutik suliniuteqarput.

Soqutiginninnerlu angisimaqaaq. Januaarimimi pilersitsiffiusumik ataatsimeersuartitsisoqarmat inuit 60-it takkupput, suliniaqatigiiffiup allattoqarfiani pisortaq, Kirsten Mortensen, tusagassiorfinnut nalunaarummi taama oqarpoq.

Ataatsimeersuarnerup kingorna immikkoortortaqarfik assigiinngitsunik suliniuteqarpoq. Siulittaasoq tarnikkut Ikiueqqaarnermi ilitsersuisunngorpoq, ilaasortallu allat illoqarfimmi upalungaarsimasuullutik. Siulersuisut oqarasuaammik sianerfigineqarsinnaasumik ammaanissaq pilersaarutigaat, aamma ”Uppik” pilerseqqissamaarpaat, tassaasoq unnuami pigaartuusartut meeqqanut inuusuttuaqqanullu sissuertuullutik.

Aasianni atornikuerniarfeqalissaaq

Aasianni immikkoortortaqarfiliornissamut apriilip qaammataani pilersitsiffiusumik ataatsimeersuartoqarpoq. Illoqarfimmi atornikuerniarfittaarnissaq qangali kissaatigineqarsimavoq, taamaattumillu pilersitsinissamut peqatigiiffeqarnissaq pisariaqarluni. Immikkoortortaqarfittaarlu pisiniarfissamut ininik naleqquttunik attortornissamik isumaqatigiissuteqarsimavoq.

Kalaallit Røde Korsiata Nuummi immikkoortortaqarfiani atisanik pinngussanillu Aasiannut nassiussassanik maanna poortuisoqaleruttorpoq. Atisat ilarpassui nutaajupput, islandimiut skakkertartut peqatigiiffiata Nuummut tikeraaqqammersup KRK-mut tunissutigisimasai.
 

Tasiilami siulersuisunngortut:

Siulittaasoq: Anna Kûitse Kúko

Siulittaasup tullia: Paulus Lind

Aningaaserisoq: Karoline Bianco

Allatsi: Karen Poulsen

Siulersuisuni ilaasortat: Hjørdis Viberg, Augo Nuko, Robert Tukula

Aasianni siulersuisunngortut:

Agathe Steenholdt Siulittaasoq

Siulersuisuni ilaasortat:

Helle R. Sørensen

Karen Amossen

Risa B. Rafaelsen

Hanne Underberg

Sinniisussat:

Birgit Johansen

Jytte Ammitzbøll