Ajunaarnersuaq: Kalaallit Røde Korsiata 1,8 millionit piniartunut tunniukkai
Kalaallit Røde Korsiani siulittaasup Christina Tønder Bellip Qaasuitsullu Kommuniani Inuussutissarsiornermut, Aatsitassarsiornermut Takornariaqarnermullu ingerlatsivimmi pisortap Hans Peter Lennertip isumaqatigiissuteqarnerisigut, Uuummannap sulluani tassaarsuaqarnerani eqqugaasunut aningaasat atugassat GrønlandsBankimi katersorneqartut 1,8 millionit koruunit Qaasuitsup Kommuniata kontoanut ikineqarput.
AAMMA ATUARUK Illorsuarni innaallagiamik imermillu pilersuisoqarunnaalersoq
Aningaasallu taakku Nuugaatsiami Illorsuarnilu piniarnermut aalisarnermullu atortunik annaasaqartunut taarsiinissamut atorneqassapput.
AAMMA ATUARUK Indsatshold henter personlige ejendele i Nuugaatsiaq
AAMMA ATUARUK Illorsuarni Nuugaatsiamilu atortut avatangiisinut ulorianaatillit salinneqalersut
Kalaallit Røde Korsianit naatsorsuutigineqarpoq, pisiniarnermi isumaqatigiissutit tamarmik tutsuiginartuunissaat, atortut pitsaasuussasut sukkasuumillu inuttassaannut apuunneqarnissaat kissaatigineqartoq, Kalaallit Røde Korsianni allaffimmi pisortaq Kirsten Mortensen tusagassiuutinut nalunaaruteqarluni taama allappoq.
Kirsten Mortensen KNR-imut oqaluttuarpoq, aningaasat katersorneqartut 1,8 millionit koruunit Kalaallit Nunaanni inuit namminneq piumassutsimminik katersuinerannit pisut.
Aningaasat amerlasuut aamma ikittunnguugalugit aningaaseriviup Grønlandsbankenip tassaarsuaqarneranut atatillugu konto pilersitaanut, aamma SMS atorlugu katersuiniarnermi kiisalu inuit nammineq piumassusertik aallaavigalugu katersugaannit pissarsiarineqarput.