Kalaallit Røde Korsiat ataqqinartumik pulaarteqartoq
Kalaallit Røde Korsianit tusagassiorfinnut nalunaarummi oqaluttuarineqarpoq Nuummi Røde Korsi kingullermik 1985-imi Nuummi immikkoortortaqarfiup ukiunik qulinngortorsiorneranut atatillugu prins Henrimmit pulaarneqarsimasoq, tassungalu atatillugu Røde Korsip erfalasuanik tunineqarsimallutik.
Kingorna Kalaallit Røde Korsiat namminersortutut 1992-mi inissippoq Røde Korsip ataani, ullumikkullu tallimanik immikkoortortaqarpoq, Nuummi, Qaqortumi, Maniitsumi, Sisimiuni Ilulissanilu.
KRK ullumikkut aningaasaqarnikkut namminersortuuvoq Danmarkimi Røde Korsianit isumagineqarani.
Prins Henrik pulaarnermini Issittumi Ikiueqqaarneq pillugu atuakkamik inuusaaqqalianillu nuersakkanik Inuk Inuunamillu tunissuteqarfigineqarpoq, Nuummi atornikuerniarfimmi suliaasimasunik.
Inuusaaqqanik tunisaqarnermi isertitat tamakkerlutik Nuummi angerlarsimaffeqanngitsunut tunissutigineqartarput.