Kalaallit rockertartut Nordatlantens Bryggemi tusarnaartitsissapput
Nunatsinni nipilersoqatigiit tunisaalluarnerpaat ilaat Nanook Københavnimi Nordatlantens Bryggemi tusarnaartitsissapput. Tamanna aggustip aallaqqaataani unnuap qeqqanut pissaaq, danskillu kalaallillu Københavnimi najugaqartut tikeraartullu Nanookip pikkunartumik tusarnaartitsinissaat qilanaarilereersinnaavaat.
Allattoq Peter Troelsen, Simon Uldum
Nipilersoqatigiit ukiormanna ukiunik tallimanngortorsiorput, ukiunilu taakkuna Nunatsinni nunanilu allani angalaarlutik tusarnaartitsiartortarsimallutik. Nanook ungasinngitsukkut Washingtonimi Nordic Cool Festivalimi tusarnaartitsipput, nipilersoqatigiillu aamma Danmarkimi nipilersoqatigiit nuannarineqarnerpaat allattorsimaffianni siullerpaamik nalunaarsorneqarsimallutik.
Danmarks Radiop aamma kalaallit nipilersoqatigiit, ilaatigut P6-ip karrierekanonianit innersuunneqarsimasut, maluginiarsimavai.
Nanook pillugu uani atuagassaqarpoq: http://www.nanook.gl/