Kalaallit Røde Korsiat nutaamik siulittaasortaartoq
Chistina Tønder Bell Kalaallit Røde Korsiata ukiuni sisamangajanni siulittaasooreeraa maanna nutaamik siulittaasussamik qinersisoqarpoq.
Nina Kreutzmann Jørgensen siulittaasup tulliatut inissisimagaluarpoq, maannali sinniisut oktobarimi ataatsimeeqqinnissaata tungaanut siulittaasutut inissikkallarpoq. Peqatigiiffik tusagasiuutinut taama nalunaarpoq.
Nina Kreutzmann Jørgensen Kalaallit Røde Korsiata Nuummilu immikkoortortaqarfiani 2018-imi qinerneqarluni siulittaasup tulliatut atuutilerpoq.
- Siulersuisuni issianeq pissarsiaqarnaqaaq pisunullu allaanerusumik isingilernarlutik. Røde Korsip oqaluttuassartaa nunarsuarmilu suliai amerlasuut peqataarusussuseqarninnut peqqutaapput. Ataatsimoorluni kivitseqataalluni, Nina Kreutzmann Jørgensen tusagassiuutinut nalunaatumi allappoq.