Kalaallit Røde Korsiat katersuiniarnermut naammagisimaarinnippoq

Asiami ajunaarnersuarmut Kalaallit Røde Korsiata nuna tamakkerlugu katersuiniarluni konto Grønlandsbamkimi pilersitaa ullumimut 1,4 million koruuninik katersiffioreersimanera Kalaallit Røde Korsianit iluarisimaarneqarpoq.

- Oqartariaqarpunga attortilluinnarsimallunga.

Ullaaq manna paasivara suliffeqarfiit inuillu 100-it sinnillit katillugit 1,4 million koruuninik tunissuteqareersimasut, taamaattumik Kalaallit Røde Korsianit aalajangerpugut ullumi 1,4 million koruunit Dansk Røde Korsimut tunniunniarlugit, massakkorpiaq ikiuniarneq pisariaqartinneqarluinnarmat aningaasat apuunneqapallattariaqarmata.

Ilimagisannit ajunngilluinnartumik aningaasanik katersineq ingerlavoq,- nuna tamakkerlugu katersuiniarnerit kigaalaakujussinnaasarput matumanili katersuiniarneq ilimagisannit pitsaanerujussuuvoq.

Kalaallit Røde Korsiata siulittaasua, Aase Nygaard oqarpoq.

Januaarip naanerata tungaanut Grønlandsbankimi konto ikisiffigineqarsinnaasoq tassaavoq: 8008008.