Kalaallit qimmiat kujataani iluliaminermi nassaarineqartoq
Nalunaaqutaq 11.30 Kujallermi politiit DiskoLinep angallataasa ilaannit ilisimatinneqarput kalaallit qimmiat Nanortallip eqqaani iluliaminermiittoq nassaarineqarsimavoq, angalummullu ikineqarsimalluni. Politiit Kujallermi immikkoortartaqarfiani aqutsisoq Laila Fleischer KNR-imut taama oqaluttuarpoq.
Angallat Nanortalimmut tikimmat politiit Komune Kajalliup qimminik angalaannartunik nakkutilliisuat peqatigalugu piareersimapput. Qimmerlu napparsimarpasissimavoq.
- Kalaallit qimmeraat. Qaqortuuvoq, peqqippasinngilaq salullunilu. Sajuttuinnaavoq isaasalu sinai nakkangallutik, Laila Fleischer oqaluttuarpoq.
- Tunuminngaanniit iluliaminermut saavigussaalluni kujammukarsimassaaq, taamaammallu angalanera sivisuupilussuusimassalluni, nangilluni oqarpoq.
Poliiit qimmeq toqutsiinnartariaqarsimagaat Laila Fleischer nassuiaavoq.