Kalaallit qallunaallu suleqatigiillutik aningaasaliisussarsiorniarput

Kalaallit Nunaanni inuussutissarsiutitigut ineriartortitsisoqarnerunissaa pillugu aningaasaliiumasinnaasunik ujarlertoqarnissaa siunertaavoq. Aningaasaliiniat ullumikkut amerlavallaanngillat, Danmarkimili aningaasaateqarfiit assigiinngitsut, soraarnerussutisiaqalernissamullu aningaasaateqarfiit assigiinngitsut, aviisimut Berlingske Tidendemut oqaatigisarsimavaat Kalaallit Nunaanni aatsitassarsiorsinnaanissamut aningaasaleeqataajumasinnaallutik.

Aqagu ataatsimiinnissaq pingaaruteqarnerpaanut ilaassagunanngilaq. Illu Atlantikumi ataatsimiittoqassaaq, inuit 60-it aamma 70-it akornanni peqataanissaat ilimagineqarluni.
Peqataatitaqartut tassaapput soraarnerussutisiaqalernissamut aningaasaateqarfiit, aningaasaliinissamut aningaaseriviit, Grønlandsbanken aamma Greenland Venture.
Inuussutissarsiornermut, Aatsitassaqarnermut Suliffeqarnermullu Naalakkersuisoqarfiup pisortaa Jørn Skov, Danmarkimilu inuussutissarsiornermut aningaasarsiorneruleriartornissamullu ministereqarfiup pisortaa Michael Dithmer tamarmik immikkut saqqummiussissapput.

Suleqatigiissitaliap nalunaarusiaa aasaru naammassineqartussaavoq. Qanoq ililluni Kalaallit Nunaata Danmarkillu akornanni inuussutissarsiutitigut suleqatigiittoqarnerulersinnaanersoq nalunaarusiami siunnersuutigineqassaaq.