Kalaallit pingaarutilimmik unammilerput

Unamminermi siullermi Chile unammissavaat, taannalu unammineq nunarsuarmi pissartanngorniunnissanut anngunnissamut aalajangeqataariaannaavoq.

Nunarput nunarsuarmi aappaagu pissartanngorniunnissanut anngutissaguni, uani pissartanngorniunnermi bronzennattariaqarpoq.

Assammik arsarluni nunarsuaq tamakkerlugu pissartanngorniunnissamut, Spaniami aappaagu pisussamut, Amerikap nunavittaani nunat sisamat anngunnissamut piukkunnaateqarluarput.

Nunatta nunanut allanut unammisartuisa Amerikap nunavittaani pissartaasut, Argentina, unamminissaat oqitsuinnaanavianngitsoq takusinnaalereerpaat. Nunalli allat, soorlu USAp aamma Venezuelap ajugaaffiginissaannut Nunarput periarfissaqarnerulaarpoq.

Siullermilli Nunatta Chile unnugu ajugaaffigeqqaartariaqassaavaa.

- Chile eqqarsaatigissagaanni, taakkua ukiuni kingullerni siuariartorput. Kisianni aamma taamaakkaluartoq nunatsinninngaanneersut inuusukaat akisussaaffimmik annerusumik tigusisalernikuupput, assammik arsartartut kattuffianni GHF-mi siulittaasoq Boas Møller oqarpoq, taassumalu ilimagaa Nunarput Chilemut ajugaasinnaasoq.

Argentinamut unamminissaat oqitsuinnaanavianngitsoq nunanut allanut unammisartut oqaatigereerpaat.

- Siusinnerusukkut amerikamiut unammigaangatsigit naligiikannertarpugut, kisianni aamma unaminerit kingulliit ajugaallattaarluta eqqaamavara. Taamaattumik neriulluarnarpoq kalaallit unammilluarnissaat eqqarsaatigalugu aammalu taakkua inissinnissaat isumalluarnartorujussuugaluarpoq, Boas Møller oqarpoq.

- Immaqa Venezuela unammisassatsinni sakkukinnerpaasut oqaatigisinnaavarput, Kalaallit  Nunaanni Assammik Arsartartut Kattuffianni siulittaasoq, Boas Møller naggasiivoq.

Kalaallit Argentinamiunut aqagu unammissapput. Taava USA-mut inuiattut ullorsiornitsinni unammissapput, Venezuelamullu aqaguani humannissallutik.

Unamminerit uani malinnaaffigineqarsinnaapput: http://www.handballargentina.org/