Kalaallit pillugit Århusimeeqqammerpoq
Folketingimut ilaasortaq Lars-Emil Johansen Århusimeeqqammerpoq, kalaallit Århusip kommunianit sullinneqarnerat qanoq ingerlanersoq paasiniaavigiartorniarlugu.
Allattoq Mads Lynge
Borgmesteri Nicolai Wammen ilaatigut ataatsimeeqatigineqarpoq, kalaalillu Gellerupparkenimi najugallit alakkarterneqarlutik.
Inunnik isumaginninnermik sulialik Simon Lynge, kalaallit Århusimi illuutaanneersoq peqatigalugu Gellerupparken alakkarneqarpoq:
- Assigiinngitsorpassuartigut suliniartoqarpoq, kalaallillu imigassamik ikiaroornartumillu ajornartorsiutillit, suliffeqanngitsut, allatulluunniit ajornartorsiutillit amerliartunnginnissaat qanoq iliornikkut aaqqissuuneqarsinnaanersoq oqaluuseraarput, Lras-Emil Johansen oqarpoq.
Kalaallit inuuniarnermikkut ajornartorsiutillit Århusimi najugallit 120-t missaanniipput.