Kalaallit peqqissuusutut misigisimapput

Issittumi inuuniarnermi atukkat pillugit misissuinermi inernerit takutippaat, Kalaallit peqqissuusutut misigisimasut, tamanna erserpoq, SLICA-mik taallugu peqqissuseq pillugu misissuinermi inernerni kingullerni..

Kalaallit peqqissusaat pillugit apersorneqarsimasut inuit sisamaagaangata pingasut peqqilluinnartutut peqqissutulluunniit imminnut nalilertarput. Tassa 75 procentit peqqissutut imminnut nalilertarput. Taamatullu kalaallit misigisimanerat nunanut issittormiunut allanut naleqqiullugit pitsaaneruvoq.

Canadami Alaskamilu Inuit apersorneqartut affaannaat imminnut peqqissutut nalilertarsimapput.

Tjukotkamilu Inuit aperineqartut tallimassaat aatsaat imminnut peqqissutut nalilertarput.

Issittut ukiorititaanut atatillugu misissuinerit ingerlanneqarput, inernerillu suli amerlanerusut takkussuukkumaarput.

Issittumi inuuniarnermi atukkat pillugit misissuinermi

inernerit assigiingitsut 600-t nittartakkami alakkarnerqarsinnaapput uunga iserluni: www.arcticlivingconditions.org. Inernerit maannamuugallartoq tuluttuinnaq oqaasertaqarput.