Kalaallit palasiat qulakkeerneqarunarpoq
Kultureqarnermut, Ilinniartitaanermut, Ilisimatusarnermut Ilageeqarnermullu Naalakkersuisup aasaq manna Danmarkimi kirkeministeri Bithe Rønn Hornbech ataatsimeeqatigisimavaa.
- Marluulluta isumaqatigiippugut Danmarkimi palaseqarneq qanoq ililluni isumannaarneqarsinnaanersoq misissorneqassasoq, tamannalu nammineq soqutigalugu misissorumavaa namminneq tungiminninngaanniik qanoq iliuuseqarsinnaanerlutik. Kisanni piffissaq maanna imaalimmat sulilu qalakkeernagu qanoq aaqqiisoqarsinnaanersoq, 1 millionit aappaagumut atugassatut inissippagut. Taamaalillugu qulakkeernissaata tungaanut taakkua taamatut inisseqqipput, Mimi Karlsen, ilageeqarnermut naalakkersuisoq oqarpoq.
Danmarkimi kalaallit palasiattut atorfik nalilersuiffigineqarpoq - maannakkumullu qanorpiaq aaqqiisoqassanersoq ilisimaneqanngikkallarpoq.
- Kalaallinut periarfissat allatut ittut nassaariortornissaat periarfissaqarpoq, soorlu assersuutigalugu oqaluffinni aaliangersimasuni aaqqissuisinnaaneq, nammineerluni kalaallimik palasimik aggersaalluni naalagiarnertalinnikt. Nunatsinni Naalakkersuisuniit soorunami soqutigigaarput, ingammik ukua napparsimallutik aammalu nammineq piumassuserinngisaminnik Danmarkimiittut palaseqarnikkut isumagineqarnissaat, Mimi Karlsen oqarpoq.
