Kalaallit oqaasii ulorianartorsiunngillat FN-ip ataani illersugaagamik

ilitsoqqussaralugu oqaatsit ulluat ullumikkut februarip ulluisa 21-anni Nuummi Oqaaseriliffiup aaqqissussaani Ilimmarfimmi malunnartinneqarpoq.
Allattoq Jaaku Lyberth
februaarip 21-at 2009 14:34

Naalagaaffiit peqatigiit ataani UNISCO-mi ilitsoqqussaralugu oqaatsit ulloqartinneqartarnerat ukiut tamaasa malunnartinneqartalerpoq. Ilimmarfimmi ullumi nalunaaqutaq marluniit sisamat tungaanut kalaallisut oqaatsit atorlugit saqqummiisoqassaaq. Oqaatsit ulloqartinneqarneranni ukiormanna UNISCO-mit qulequtaritinneqarpoq oqaasilerinikkut assigiinngisitaarneq – oqaasileriffiup Ilimmarfimmi oqaatsit pillugit malunnartitsinerani qulequtaritinneqarpoq oqaatsitta nunarsuarmioqataanermi inissisimanerat. Katti Frederiksen oqaatsit ulluannik malunnartitsinermik aaqqissuusseqataasoq oqarpoq, Kalaallit oqaasii atorunnaarneqarnissaminnut ulorianartorsiunngitsut Kalaallit Oqaasii naalagaaffiit Peqatigiit aalajangersagaanni eriagisassassatut illersugassatullu inissisimammata, inuiaat ikinnerussuteqartut oqaasiisa illersorneqarnissaat pillugu aalajangersagaq malillugu. Ilimmarfimmi oqaatsit pillugit malunnartitsinermi nunat allamiut atuakkiaat kalaallisuumut nutserneqartarnerat pillugit saqqummiussisoqassaaq.

Soorluttaat ilitsoqqussaralugu oqaaserinngisamik ilinniarsimasut marluk oqaluttassallutik. Taakkua ilagaat tusagassiortutut ilinniarnermik naammasseqammersoq Nuuno Isbosethsen taasuma oqaluttuarissavaa qanoq iliorluni portugiit oqaasiinik ilikkarsimanerminik portugit oqaasii siornatigut ilisimasaqarfigisimanagit taakkutullu ulluinnarni oqaluttarnerisut oqaluttalersimanini oqaluttuarissagaa.