Kalaallit nungusaataanngitsumik piniarnerat paasineqartariaqarsoraa

Kalaallit nungusaataanngitsumik puisinniarlutillu arfanniartarnerat atuisartunit - minnerunngitsumillu politikerinit - tunngaviusumik paasineqarnissaat Nunanit Avannarliit Killernit paasineqarnissaat amigaataasarpoq. Folketingimut ilaasortaq, Sofie Rossen, Issittumi inatsisartut Bruxellesimi ataatsimeersuarneranni tallimanngormat oqalugiarami taama oqariartuuteqarpoq.

Tamanna Nunat Avannarliit Killiit Siunnersuisoqatigiiffianni siulittaasup tulliata, Kári P. Højgaardip, kajumissaarutitut ullumi nangeqqippaa.

- Nunat Avannarliit Killiit imaani pisuussutinik nungusaataanngitsumik piniartarnerisa, nunanit allanit, immami pisuussutinik nungusaataanngitsumik piniarneq ajortunit akuliuffigineqaratik, ataqqineqartarnissaat erseqqissaatigissavara, savalimmiormiu politikeri taanna oqarpoq.

EU-mi inatsisartut atuisullu uumasunik illersuiniartunut isornartorsiuinngippallaarnerat Sofia Rossenip Danmark sinnerlugu mamiasuutiginerarpaa, Kári P. Højgaardillu Sofia Rossenip taama oqarnera tassa itisilerpaa.

- Sioorasaarinerit, soorlu pinngitsaaliinerit, niuernermut akornusersuinerit, inerteqquteqarnerit sunniiniapilunnerit assigisaallu Nunanit Avannarlernit Killernit akuersaarneqarsinnaanngillat, Nunat Avannarliit Killiit Siunnersuisoqatigiiffianni siulittaasup tullia oqarpoq.