Kalaallit nunasisullu allat Københavnimi paggittut
Nunasisut kalaallillu 20-t missaanniittut Københavnip ilaani Amagerimi unnuisarfiit ilaanni, Sundholmimi, ippassaq unnukkut paggiserujussuarput.
aggustip 23-at 2010 05:01
- Anaattat atorneqarsimapput, puiaasallu aseqqukorpassuit paggiffimmiipput, Københavnimi Politeeqarfimmi pigaartoq, Jens Kristiansen aviisimut Ekstra Bladetmut oqarpoq.
Kalaallit unnuisarfimmiittarput, nunasisulli allami najugaqartuugunarlutik. Nunasisut kalaallillu aatsaat imminnut saassutilinngitsut ilisimatitsissutigineqarpoq.
Ippassarli unnukkut sooq paggissimanersut ilisimaneqanngilaq.
Pagginnerup kingorna angut niaqqumigut kilertitersimaqisoq napparsimmaviliaanneqarpoq, alla ingerlaannnaq passunneqarluni. Inuillu marlussuit eqqissiviilliortitsisutut tigusarineqarput.
