Kalaallit Nunaata soqutigineqarnera annertusivoq

Kalaallit Nutaata nunani allani tuniniaanissamut suliniutai pillugit Namminersorlutik Oqartussat nunanut allanut tunngassuteqartunut allaffeqarfiata ukiumoortumik nalunaarusiaani tamanna erserpoq.
apriilip 27-at 2010 08:53

Kalaallit Nunaata tusagassiuutitigut nunarsuaq tamakkerlugu sammineqartarnera, Branding Greenlandimit paasissutissiissutigineqartartoq, nalunaarusiami naatsorsorniarneqarsimavoq.

Kalaallit Nunaat Tysklandimi, Tuluit Nunaanni, USA-mi Sverigemilu tusagassiorfinni ussassaarutinut 39 millionit koruuninik aningaasartuuteqarsimasoq nalunaarusiami eqqoriarneqarpoq. Nunani taaneqartuni, tassa Tysklandimi, Tuluit Nunaanni, USA-mi Sverigemilu, Avammut Paasisitsiniartarfiit suleqatigalugit, tusagassiortunik tikeraartitsinissamut tusagassiortullu eqimattakaarlutik angalanissaannut, Branding Greenland 3 millionit koruuninik ukiumut aningaasartuuteqarsinnaatitaavoq.

Tusagassiortut aviisiliortullu tikeraaraangamik Kalaallit Nunaat muteq, kalaallit kulturiannut, pinngortitamut, takornariaqarnermut inuussutissarsiornermullu periarfissanik annertuumik misigisaqartarput.

Namminersorlutik Oqartussat Naalakkersuisoqarfiat, Nunatsinni Takornariaqarnermi Inuussutissarsiornermilu Siunnersuisoqatigiit, Air Greenland aamma Royal Greenland Branding Greenland aqqutigalugu suleqatigineqarput.