Kalaallit Nunaata nammineq aningaaseriveqalernissaanut Sulisitsisut Peqatigiiffiat isumaqataanngilaq

Siumup inatsisartuni ilaasortaatitaasa kalaallit nammineq pigisaminnik aningaaseriveqalernissaat siunnersuutigaat, tamatumunngali Kalaallit Nunaanni Sulisitsisut Peqatigiiffiat isumaqataanngilaq, nunat allamiut aningaaserivinnut ileqqaarutimminnik annissisinnaanerat tupinnartuliaanngimmat, Sulisitsisut Peqatigiiffianni ataqatigiissarisoq Jens K. Lyberth ima oqarpoq:
oktobarip 10-at 2007 10:38

-Tupinnartoqanngilaq, avataaninngaaniit soorlu aatsitassarsiornermi ileqqaaruteqartut ileqqaarutitik annikkusuttaraat, taamatullu ileqqaarutit erniaannik annissiniartut tupinnartutut isiginngilagut. Isigimiartariaqagarput tassaavoq, ileqqaarutit nunatsinnut sunniuteqartorujussuusinnaanerat, akissarsiatigut kiffartuussinikkut allatigullu kaaviiaartitsinerit pilertarmata, Jens K Lyberth oqarpoq.

Siumut inatsisartuni ilaasortaatitaasa siunnersuuteqarnerminni qanoq iliortoqarniarnersoq ersernerlummat oqaatigiuminaatsorujussuuvoq suna tunngavigineqarnersoq, Jens K Lyberth oqarpoq.

”Avataaniit ileqqaariniartunut qarmaaniarutta, taava aamma akuerisariaqarpoq ileqqaarutit erniaasa ilaasa anninneqarsinnaanerat”!

Kalaallit Nunaani sulisitsisut peqatigiiffianni ataqatigiissaarisoq Jens K. Lyberth oqarpoq.

Kalalalit namminneq pigisaminnik aningaaseriveqalernissamik Siumut inatsisartuni ilaasortaatitaasa siunnersuutaat inatsisartuni ullumi oqaluuserineqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq