Kalaallit Nunaata Naalagaaffeqatigiiginnarnissaa Danmarkimi amerlanerussuteqartut tapersersorpaat

Kalaallit Nunaata Naalagaaffeqatigiinniiginnarnissaa Danmarkimi amerlanerussuteqartut kissaatigigaat, Danmarkimi inunnik isumasiuinermi kisitsisit takutippaat. DR.dk taama allaaserisaqarpoq.
Nationaldagen i Kolonihavnen 2016
Nationaldagen i Kolonihavnen 2016 Assi © : Camilla Dam
Allattoq Kenneth Elkjær
apriilip 21-at 2018 11:59
Nutserisoq Mads Lynge

Naak nunarput siunissami qaninnermi namminiilivittunngornavianngitsoq partiit qinigassanngortitaqartut akornanni amerlanerussuteqartut isumaqaraluartut, Nunatta namminiilivittunngornissaa Inatsisartunut qineqqusaarnermi sammineqangaatsiarpoq.

Nunatta namminiilivittunngornissaa Danmarkimi tusagassiutini assigiinngitsuni sapaatip-akunnerini aamma sammineqarpoq. Naalagaaffeqatigiinneq Danmarkimi innuttaasut akornanni amerlasuut tapersersorneqarluartoq DR-ip isumasiuisitsisimanerata takutippaa.

AAMMA ATUARUK Naleqqap ataatsimoortumik tapiissutit namminiilivinnerup kingorna isumaqatigiinniutiginiarai

Kalaallit Nunaata Naalagaaffeqatigiiginnarnissaa tapersersorlugu, tapersersornerulluguluunniit, isumasiorneqartut 57 procentiisa oqaatigaat.

Isumasiorneqartut 7 procentii nunatta Naalagaaffeqatigiiginnarnissaanut tapersersuinngitsut, tapersersuinnginnerusulluunniit, kisitsisit takutippaat.

Isumasiuineq:
Inuit 992-it 18-ileereersimasut DR-ip isumasiuisitsinerani apersorneqarput. Inunnik isumasiuisartut Epinion inunnik internet aqqutigalugu apriilip ulluisa arfernannit aqqaneq-aappaata tungaanut apersuisimavoq. DR.dk taama allaaserisaqarpoq.

AAMMA ATUARUK Namminersulivinnissap oqallisigineqarnerata pingaarutillit ukkanneqanngitsoortippai

AAMMA ATUARUK Løkke namminersornissamik oqallinnermut qisuariartoq