Kalaallit Nunaata "mamaa" ujartorneqarpoq
Nunatta naasui inuussutissanut mamaqutitut atorlugit inuussutissanik siuarsaanermi aqqutissaasut, Narsami isumasioqatigiit isumaqarput.
Qulequttat pingaarnerit ilagaat tuttut, ummimmaat, imaani uumasut aalisakkallu nunatta tunniussinnaasaanik naasunik akoorneqarlutik ineriartortinneqarnissaat. Pollas Lyberth KNI Pilersuisoq nioqqutissanik amerlasuunik tuniniaasartoq, isumaqarnerarpoq nerisassanik nioqqutissianik naasunik akuukkat pisisartoqarluarlutillu unammillerluarsinnaasut.
- Tassa nalunngilarput Kalaallit Nunatsinni sunaluunniit nioqqutissiarisartagarput neqiugaluaruni aalisagaagaluaruni imaluunniit arlaannik naasuugaluaruni nunatsinni namminermi tunisassiaagaangami minguilluinnartartoq, akuutissanik akoorneqannginnami.
Mamartoq taanna assigiinngitsunik nerisassiarinerani aamma uagut akuutissaatitsinnik akugutsigu suli annertuninngorsinnaavoq – "Kalaallit Nunaata mamaa"-mik taallugu. Qularinngilara avammut tunniussinnaasarput allissasoq. Pollas Lyberth oqarpoq.
Attaqatigiissumik attaveqarnissaq suleqateqarnissarlu aammalu aningaasaqarneq namminerlu pigisat nukissallu ullumikkut eqqartorneqartut aamma ilagaat.
Isumassarsiat unnuup ingerlanerani nalilersorneqassapput aammalu Kalaallit Nunaani neriassanik tuniniagassatsialannik toqqaasoqassalluni.
