DBU-mi siulittaasoq: Kalaallit Nunaata FIFA-mut ilaasortanngornissani sulissutigeqqaartariaqarpaa

DBU-mi siulittaasoq isumaqarpoq Kalaallit Nunaata FIFA-mut UEFA-mullu ilaasortanngornissaa suli ungasittoq, taamaakkaluartoq ilaasortanngorniarnerani tapersersuissaaq, DR allappoq.

Dansk Spil-Union DBU-mi siulittaasoq Jesper Møller-ip Kalaallit Nunaanni ivigaasanik arsaattarfinnik angisuunik pingasunik minnernillu arlalinnik ukiualuinnaat ingerlanerini pisaarsimanera tupaallaatigeqqavaa.

Ineriartornerup nassatarisaanik DBU nutaamik Kalaallit Isikkamik Arsaattartut Kattuffiannut KAK-mut isumaqatigiissusiorsinnaanngorpoq.

Isumaqatigiissut nunatsinni isikkamikarsaannerup ineriartornerulernissamut aqqutissiuussisussaq Nunatta siunissami UEFA-mut FIFA-mullu ilaasortanngornissaa anguniarlugu.

Sulili aqqut takilaarpoq, Jesper Møller oqarpoq.

- Massakkut isikkamik arsartartut klub-it ataasiakkaarlutik aqutsisuilu sungiusaasuilu ineriartornissaat tullinnguuppoq. Unammiuaarnermik nutaamik pilersitsisoqassaaq meeqqanik aamma arsartartoqassaaq. Piumasaqaatit ilagisaat nuna tamakkerlugu stadion-eqarnissaq piviusunngortinnagu timersoqatigiiffiit ingerlalluaqqaartariaqarput.

AAMMA ATUARUK GBU DBU-lu kommuninit qaangerneqartut

UEFA-p FIFA-llu inatsisaanni allaqqavoq nuna ilaasortanngorniaruni Naalagaaffiit Peqatigiinni naalagaaffittut akuerineqartariaqartoq, tamannalu aqutsisuisa aqiliorfigiartulersimavaat.

- Piffinni arlaanni nunatut amerlanernit akuerineqaraanni ilaasortanngorsinnaanissaq takorloorneqarsinnaavoq, Jesper Møller DR-mut oqarpoq.

AAMMA ATUARUK Isikkammik arsalerillaqqissut pingaartinneruniaraat

AAMMA ATUARUK Suliassanik ulikkaarpugut


 
 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat