Kalaallit Nunaata avinngarusimasortaani piitsorpassuaqarpoq
-Ammassalimmi inuit aqqaneq-marluk tikillugit illuaqqami 50 kvadrat meterisut angitigisumi illoqatigiissinnaasarput. Uanga nammineq Polenimiuuvunga, taamali atugarliortigisunik takusimanngisaannarpunga. Meeqqat tallimaagaangata ataaseq piitsuni peroriartortarpoq, Dariusz Sobczynski oqarpoq.
Københavnip Ilisimatusarfiani Eskimologimi ilinniartitsisoq Frank Sejersen naapertorlugu nutaarsiassalerinerup iluani sammineqarsinnaasut pisartut nuannersorpassuit ajornartorsiutinit aanngartinneqartarput. – Kalaallit Nunaata immikkoortuini assigiinngitsuni ineriartorneq assigiinngiiartorujussuuvoq. Eqqaamassavarpulli sumiiffiit ilaanni ingerlalluartoqarmat. Nuummi assersuutigalugu assatit seqqortiallakkukkit suliffittaarsinnaavutit, Frank Sejersen Metroxpressimut oqarpoq, nangipporlu: aap, ajornartorsiuteqarpoq, aammali periarfissarpassuaqarpoq. Ajornartorsiutilli kisiisa tusartarutsigik ajortumi kaaviiaartuassaagut. Tassaniiginnaruttalu ajornartorsiutit iluarsinissaannut artorsartuassaagut.
