Kalaallit Nunaata avataanit isigineqarnera innarlerneqarpoq

Air Greenland-ip sapaatip akunnerani kingullermi ataatsimeersuarnerani Naalakkersuisut pissusilersornerat nunatsinni inuussutissarsiornermut akornuseerujussuarpoq. Kalaallit Nunaata avataanit tatigineqarnera innarlerneqarpoq, tamannalu isertitassanut ajoqutaassaaq, sulisitsisut kattuffiata Grønlands Arbejdsgiverforening-ip siulittaasua Henrik Sørensen oqarpoq.
Allattoq Jaaku Lyberth
apriilip 20-at 2009 17:45

Aallaviusariaqarput atukiisarfiit Kalaallit Nunaanni pissutsinik alaatsinaannerat. Taamatut pissusilersornermi aqutsisut qullersat Namminersornerullutik Oqarussaniittut pissusilersortarnerat atukkiisarnernut apeqqutinngortinneqassapput. Qullermmi tasaassariaqarput aqutsilluarnikkut maligassiususssat. Unikkaallallutik aqutseriaaseq taamaattoq tupigutsaatigineqartoq iluarsiniartariaqarpaat. taamaliunngikkunik atorniarnerit ajornakusoornerulerlutillu akisunerulissapput, Henrik Sørensen oqarpoq, nangillunilu, ungasinnerusoq eqqarsaatigalugu aningaasaliiumajunnaartoqarnissaa ersissutigisariaqarpoq. Nunarsuaq tamakkerlugu aningaasarliorneq ilutigalugu aningaasanik atorniarsinnaaneq ajornarnerulissaaq, ajornarsivissalluniluunniit, aqutsisut pissuserissaarlutik ingerlatsinngippata. Tamannalu arlaannattaluunniit kissaatiginngilaa, Henrik Sørensen oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq