Kalaallit Nunaata ataatsimiinnermut peqataanissani sorsuutigaa
Danmarkimi nunanut allanut ministerip Lene Espersenip Canadami Ottawami marsip 29-anni issittumi ataatsimiinnermut peqataanissaminut taarsiullugu poorskimi sulinngiffeqarnissamik toqqaanera pillugu, ulluni kingullerni isornartorsiorneqareersorlu.
Ataatsimiinnermi USA, Canada, Rusland, Norge, Danmark taamaalillunilu Kalaallit Nunaat, issittup siunissaa pillugu oqaloqatigiipput. Naapeqatigiinnermi ilaatigut amerikamiut nunanut allanut ministeriata Hillary Clintonip peqataaffigisaani, Danmarkip sinniisoraa Inatsiseqarnermut ministeri Lars Barfoed.
Ataatsimiinnermi Kalaallit Nunaata peqataannginnissaa, tassa nunatut namminersortuunnginnera innersuussutigalugu, Canadamiunit qaaqquneqanngikkaluarpoq, taamaattorli nunat sinniisuisa isumaqatigiinniarnerat pereersorlu peqataasinnaanngorsimalluni, Kuupik Kleistip nittartakkamut oqaatigaa.
- Ataatsimiinnermi Kalaallit Nunaata peqataanissaa pingaaruteqarpoq, tassami oqartussaaffiit tigunikuusavut - ilaatigut ilisimatusarneq aatsitassanullu tunngasut - tamatumani oqaluuserineqartussaammata. Taamaammat tamatumunnga taarsiullugu poorskimi sulinngiffeqarlunga aallarnissara salliussimanavianngikkaluarpara, Kuupik Kleist oqarpoq.
Danskit naalakkersuisuisa aamma Lene Espersenip aalajangersimanerat illuatungiliuttunit aamma Dansk Folkepartimit ullumi ullup ingerlanerani isornartorsiorneqarpoq, soorluttaaq Norgep nunanut allanut misinisteriata, Jonas Gahr Størep oqaatigigaa, maapeqatigiinnermut takkutinngitsoornissaq toqqarsimanaviarnagu.
- Arlaata taamaanneraaneratuut "Issittumi qaffasissumik naapeqatigiinneq" pineqanngilaq. Pissutsit qanoq ingerlanerat pillugu ataatsimiinneruvoq, akunnerillu pingajuat affaq sivisussuseqarpoq, aalajangigassanik isumaqatigiinniarnernilluunniit nutaanik saqqummiussisoqanngitsoq, tusagassiorfinnut nalunaarummi siusinnerusukkut saqqummiunneqartumi Lene Espersen taama oqarpoq.
Taamatut oqarnera, Norgip nunanut allanut ministerianit imaluunniit Kalaallit Nunaanni Naalakkersuisut siulittaasuannit isumaqatigineqanngilluinnarpoq.
