Kalaallit Nunaata aningaasarsiornera pissanganartoq
- Isumaqarpunga aningaasarsiorneq ilimagisamiit ajunnginnerusumik maanna inissisimasoq, eqqaamassavarpummi Kalaallit Nunaata aningaasarsiornera imaannaanngitsumik eqqorneqarpoq, tassami avammut tunisassassiat pingaarnersaat aalisakkat ingammillu raajat nalingi appasissorujussuummata, Christen Sørensen oqarpoq.
Taassuma siunissaq assut pissanngatigaa:
- Taarusuppara kalaallit nunaata siunissaa pissanganarluinnarmat, uani eqqarsaatigaakka aluminiummiliorfissaq aamma diamantisiorfissaq assigisaallu neriunartoqaqimmata. Takornariaqarnerup aamma pingaaruteqarnissaa qularnanngilaq, maannami silaannaap kissakkiartornerata kingunerisaanik Kalaallit Nunaat nunarsuup sinneranit maluginiarneqalersimaqaaq, professor Christen Sørensen ulluinnarni Odense-p universitetiani atorfeqartoq taama raadiuaviisimut oqarpoq.
