Kalaallit Nunaata Ammerivia 8 mio. kr-inik taperneqassaaq

Aningaasaqarnermut ataatsimiititaliap aalajangerpaa Kalaallit Nunaata Ammeriviata aningaasaqarnera ima pinartigisoq allaat ataatsimiititaliaq 8 mio. koruuninik puisit amiinut pisiortussutissanik tapiisariaqalerluni.
oktobarip 26-at 2008 13:41

Ippassaq radio aviiseqarnitsinni oqaluttuaraarput Kalaallit Nunaata Ammerivia aamma Great Greenlandimik taaneqartartoq piniartunit puist amersissutissaminik aningaasaataarutilersoq.

Tamannalu pinartuummat pakkersimaarumallugu naalakkersuisut Aningaasaqarnermut ataatsimiititaliamut 8 mio. koruuninik qinnuteqarput, Aningaasaqarnermullu ataatsimiititaliaq ullumi aalajangerpoq Kalaallit Nunaata ammerivia qinnuteqaatigineqartunik tapiiffigineqassasoq.

Ataatsimiititaliap siulittaasuata Augusta Sallingip neriuutigaa siunissami suliffeqarfimmut tapiissuteqaqqinnissaq pisariaqaqqissanngitsoq.

Taamatuttaaq ataatsimiititaliamiit piumasarineqarpoq Naalakkersuisut ammeriviup aningaasaqarnikkut ineriartornera pillugu ataatsimiititaliamut ingerlaavartumik ilisimatitsissuteqartassasut. Qaammatinilu tulliuttuni aqqaneq-marlunni minnerpaamik qaammatit allortarlugit ilisimatitsissummi naatsumik kalaallisut danskisullu ataatsimiititaliap nassinneqartarnissani kissaatigaa.

Taamatuttaaq KNAPK-p suleqatigiissitaliani pineqartuni akuutinneqarnissaa ataatsimiititaliamit pissusissamisoorsorineqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq