Kalaallit Nunaat uumasunik paarsilluanngilaq

Namminersornerullutik Oqartussani piniarneq pillugu aqutsinerliortoqarpoq. Pinngortitaq pillugu nunarsuaq tamakkerlugu suliniaqatigiiffiup, Verdens naturfond-ip, nalunaarutaanni inerniliineq taamaattoq atuarneqarsinnaavoq. Uumasut miluumasut sisamat nalunaarummi qitiutinneqarput, tassaasut nannut, aarrit, qilalukkat qaqortat qernertallu.

Nannunniartarneq aarrinillu piniartoqartarnera Verdens naturfond-p pingaarnertut ernummatigai.

- Silaannaap allanngoriartornera mingutsitsinerlu nannunik eqquereerpoq. Agguaqatigiissillugulu amerlasuunik nannunniartoqartuaannassappat, taava aarrit piniarneqarneratuut ilisoqassaaq, tassa nannut ikileriarujussuarnissaat pilersinnaammat, issittumi pissutsinut tunngasunik Verdens naturfond-imi suliaqartoq Anne-Marie Bjerg oqarpoq.

Agguaqatigiissillugu aarrit 356-it 379-illu akornanniittut, nannullu 203-t, ukiut tamaasa pisarineqartartut, nunarsuaq tamakkerlugu pinngortitaq pillugu suliniaqatigiiffiup nalunaarutaanni atuarneqarsinnaavoq.

Uumasut pineqartut amerlassusaat nalorninartuusoq nalunaarummi aamma taakkartorneqarpoq. Nalornisoqassappallu, Verdens naturfond-p tungaaninngaanniit isumaqartoqarpoq uumasut atugarisaat qimerloorneqartariaqartut.

Nalunaarut ”The Big Four”-imik taaneqarsimavoq, nittartakkatigullu takuneqarsinnaavoq uunga isernikkut: W-t pingasut WWF naggat DK