Kalaallit Nunaat USA-mut ajorsarpoq
Nunatta assammik arsaattartuisa arnartai NORCA-mi Puerto Ricomi pisumi unamminerup appassaani USA-mut ippassaq ajorsarput.
Unammineq tallimanngornermi nalunaaqutaq unnukkut 19.30 ingerlanneqarpoq, tassanilu Kalaallit nunanut allanut unammisartui USA-mut 25-23-mik ajorsarput. Unamminerup immikkoortuani siullermi Kalaallit amerikamiunut 14-10-mik aamma kinguaqqapput.
Kalaallit taamaasillutik Amerikap nunavittaani assammik arsarluni unammersuarnernut anngunnissaat ilimanaatikinneruvoq. Unammersuarnissanummi anngunniaraanni angusarinnerni pingasuniittariaqarpoq.
Nunatta assammik arsaattartuisa Puerto Ricormiut unnugu nalunaaqutaq 21:30 unammissavaat.
AAMMA ATUARUK Kalaallit NORCA-mi unamminermi siullermi ajorsartut