Kalaallit Nunaat arabiakkunni Forenede Arabiske Emiraterit illoqarfiisa pingaarnersaanni Dubai-imi tuniniarneqarpoq. Danmarkimi aviisi ullormut saqqummersartoq Berlingske Tidende taama allappoq.
Dubai -ip avatinnguani qeqertanik 300-nik nunaarsuup assinga sananeqaleruttorpoq, qeqertarlu Kalaallit Nunaannut assingusoq millioninik arlalinnik nalilik pisiarineqarsinnaavoq.
Kalaallit Nunaat qeqertanik 26-nik sananeqaateqarpoq, assersuutigalugulu qeqertat atserneqarsimapput Nuuk, Ilulissat, aamma Daneborg.
Qeqertassaq sioqqanik maanna immerneqaleruttorpoq, pilersaarutillu naapertorlugit qeqertaq ukioq manna naammassineqassaaq, tuniniarneqarsinnaalissallunilu.
Ukiup 2010-p tungaanut takornariat 15 millioninngornissaat anguniarlugu De Forende Arabiske Emirater taamatut suliaqarput, ”nunarsuarlu” 54 kvadrat kilometerisut annertutigaaq.