Tusagaq aamma attaveqaqatigiittarfinni qisuariarfigineqaqaaq. Twitterimik atuisuni Kalaallit Nunaat nalunaaquttap akunnerini kingullerni oqaluuserineqarnerpaanut qulinut ilaavoq.Assi: AP/RITZAU

Kalaallit Nunaat Trumpilu nunarsuarmi tusagassiorfinni pingaarnersatut saqqummmersinneqarput

Amerikamiut præsidentiata Donald Trumpip Kalaallit Nunaanik pisinissaminik eqqarsaatersuuteqarsimanera nunarsuarmi aviisit allaaserisaanni pingaarnersatut allaaerineqarput.

Allaaserisaq amerikamiut aviisiannit Wall Street Journalimit nutaarsiassaqartitsivimmilu AP-imi saqqummiunneqarpoq.  

Aviisimit oqalutigineqartut kinaassutsiminillu isertuussisut oqarnerat naapertorlugu,
USA-p præsidentiata Donald Trumpip siunnersortini arlaleriarlugit oqaloqatigisarsimavai, Kalaallit Nunaat USA-mit pisiarineqarpat iluaqutissartai suliassartaallu pillugit.

Allaaserisaq tyskit aviisianni Bildimi atuarneqarpaavoq.  

-   Trumpip ulluinnarnni ingasaassisarneratut imaluunniit silaaruttarneratut ippoq, tusagassiortoq Simon Schutz attaveqatigiittarfimmi Twitterimi taama allappoq.

Tuluit aviisianni The Guardianimi Donald Trumpip Kalaallit Nunaata pisiarinissaanik eqqarsaatersornera pillugu allaaserisaq atuarneqarnerpaalluni agguarneqarnerpaavoq.  

 

Trumpip Kalaallit  Nunaat pisiariniarlugu soqutiginninnera aamma Twitterimi annertuumik maluginiarneqarpoq. P

Russit aviisianni Tassimi  allaaserineqarpoq, Donald Trumpip Kalaallit Nunaannik pisinissaminik eqqarsaatersornera  danskit politiikeriini nuimanerusuni itigartitsissutigineqartoq, taakkunannga ilaalluni venstret siulittaasuat Lars Løkke Rasmussen.

Allaaserisaq spanskit aviisianni El Mundomi nunanut allanut tunngasunut allaaserisani  atuarneqarnerpaavoq.  

Qarasaasiakkut attaveqatigiittarfinni Trumpip Kalaallit Nunaannik pisinissaminnik eqqarsaateqarnera amerlasuunit qisuariarfigineqarpoq.

Amerikamioq isiginnaartitsisartoq erinarsortartoq quujasaarisartorlu Bette Midler

- Trumpip Kalaallit Nunaat pisiariniaraa ?  Kalaallit Nunaat sumiinnersoq nunap assingani nassaareqqaartariaqarpaa, Bette Midler Twitterimi taama allappoq.
 
Allaaserisaq Australiami aamma atuarneqarpoq, allaaserisaq nutaarsiassaqartitsiviup ABC News saqqaani atuarneqarsinnaavoq.  Aamma Kinami, aviisip South China Morning Postip saqqaaniippoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat