32-issaannik Kalaallit Nunaat Tivolimi ingerlanneqarnera iluatsilluartutut Tivolip tusagassiisarfianit nalilerneqarpoq.
Tivolip tusagassiisarfianit Ellen Dahlip Tivolimut isersimasut ukiup siulianitut amerlatiginerarpai.
- Ippassaq ulloq Tivolimut isertut amerlapput, ullut pingasut ”Kalaallit Nunaat Tivolimi”-p ingerlanneqarnera malinnaavigineqarluarpoq. Tivolimi kalaallit aggustip aallaqqaataani naapittarneranni isertartut amerlajuaannarput. Pisussanullu soqutiginnillutik takkuttartut amerlajuaannarput, soorlu ukiumoortumik takkuttuaannartoqartarluni, Kalaallit Nunaannut attuumassutilinnik soqutiginnittunillu allanik, Tivolip tusagassiisarfianit Ellen Dahl oqarpoq.
Ullut pingasut ingerlanerini 70.000-it missarluinnaat Tivolimut isersimapput.