Kalaallit Nunaat Tivolimi
Tivolimi aaqqissuusseqqinnissami Kalaallit kulturiat qulequtarineqassaaq. Aaqqissussamilu operamik erinarsortoqarlunilu rockimik nipilersortoqassaaq. Aamma atisanik takutitsisoqarlunilu, kalaalerpaluttunik tuniniaasoqaassaq. Tassalu ulluni taakkunani pisussat ilamininngui.
-Ulluni marluni aqqissuusinissami Rasmus Petersen nukippassuarnik piffissarujussuarmillu atuilluni aaqqissuussinissamut piareersaasimavoq. Piareersaanerminilu Kalaallit Nunaat Tivolimi illoqarfittaartillugulusooq suliaqarsimalluni.
Taamatut aaqissuussisarneq ukiuni arlalinni pisareersoq qilanaareqaarput, maanilu Tivolip neriniartarfiini kalaallit nerisassaataannik sassaalliussassaqarumaarpoq, Tivolip paasissutissiisarfianit Magnus Jølnæs oqaluttuarpoq.
Kalaallit Nunaata Tivolimiinnissaani isiginnaartitsiviit pinnersarneqassapput, Tivolimilu pulaartut kalaallit inuusaliaannik toqqortanik ujaasinerminni unammisitsinermi peqataanissaminnut periarfissaqassapput. Unammisitsinermilu peqataasut Danmarkimiit Nunatsinnut angalanissamut billetsimik eqqugassalimmi makitsinermut peqataassapput.
Ivikkani tuniniaaneq pisiassanik ulikkaartoq ulluni marluni nalunaaqutaq 9.00-miit 21.00 tungaanut ammassaaq.
Programmi:
Ulluni marluni pisussat allattorsimaffiat, eqquiniaasitsinerillu tassani pineqarsinnaassapput.
Tivoli Søen:
Aggustip aallaqqaataani nal. 13.00, 15.30 aamma 19.30: Tivolip tasiani qaannamik kinngusaqattaarneq.
Harmonipavillionimi
Juulip 31-anni nal. 16.30 Vivi Sørensenimit kalaallit oqaluttuatoqaannik oqalualaavinillu meeqqanut atuffassineq.
Aamma aggustip aallaqaataani nal. 15.30
Pantomimeteatremi:
Kalaallit atisaliortut Nickie Isaksen Nauja Lynge Lyngesenillu atisaliaannik marlunngornermi pingasunngornermilu takutitsisoqassaaq. Operamillu tusarnaartitsisoqassalluni.
Marlunngorneq juulip 31-at
Nal.15.45: Josef Josefsen operamik tusarnaartitsissaaq
Nal.16.00: Atisanik takutitsineq
Nal.18.30 Atisanik takutitsineq
Pingasunngorneq aggustip aallaqaataani
Nal.18.30: Josef Josefsen operamik tusarnaartitsissaaq
19.00 Atisanik takutitsineq
Plænenimi:
Kalaallit erinarsortartut nipilersortartullu tusarnaarneqarsinnaassapput.
Marlunngorneq juulip 31-iat
Nal. 15.00: Tikilluaqqusineq
Nal. 15.30: Small Time Giantsikkut tusarnaartitsissapput.
Nal.19.00 Tikilluaqqusineq
Nal.19.10 Inuit Feet tusarnaartitsissapput
Nal.20.00: Aviaja Lumholt
Nal. 22.00: Nanook tusarnaartitsissapput
Pingasunngorneq augustip aallaqaataani
Nal.14.00: Tikilluaqqusineq
Nal.14.10: Inuit Feet tusarnaartitsissapput
Nal.16.00: Nukaaka Coster Waldau Jazzimik tusarnaartitsissaaq
Nal.20.00: Tikilluaqqusineq
Nal. 20.10: Aavaat erinarsoqatigiivi tusarnaartitsissapput
Nal. 21.05: Small Time Giants tusarnaartitsissapput
Nal. 22.30: Sussat tusarnaartitsissapput
Nal. 23.30: Erinarsoqatigiinneq, qujaniarnerlu.