Kalaallit Nunaat sorsunnerup nillertup nalaani

Avatangiiseqarfiit arfiniliusut sorsunnermit nillertumeersut sakkutooqarnikkut illersuinerup oqaluttuassartaanik oqaluttuaqataasinnaapput, Sorsunnerullu Nillertup nalaani naalagaaffiit pingaarnerit naalakkersuinikkut ingerlannerannut Kalaallit Nunaata qanoq inissisimaneranik oqaluttuaqataasinnaallutik. Piffissaq annertuumik pissanganartorsiorfiusoq, USA-p NATO-llu nunami periusissatigut soqutigisaat Sikuiuitsup Avannarliup silaannartaanut saatinneqarut-torfiat, taakku timmisartut qaartartumeerissutit ungasissumut ingerlasinnaasut qaartartullu ungasissumut igeriuttakkat atorlugit nunat pissaanilissuit marluk USA-p USSR-illu akornanni sorsuffiusumillusooq nutaamik pilersitsimmata.

Sorsunnermit nillertumit avatangiiseqarfinnik oqaluttuat arfiniliusut tassaapput: 1) Pituf-fimmi Sakkutooqarfik, Thule Air Base, 2) Sisimiut eqqaanni mikrofilminik toqqorsivik eqqumiitsoq, 3) Dye 1-4, 4) Bluie West 8, Kangerlussuaq, 5) Kangilinnguani Sakkutooqarfik, Grønnedal aamma 6) Bluie West 1, Narsarsuaq.

Oqaluttuat arfiniliusut sorsunnerup nillertup nalaaneersut kultureqarnermut aqutsisoqarfiup qarasaasiakkut quppersagaani uani atuarneqarsinnaapput: www.kulturstyrelsen.dk/kulturarv/kommune-og-turisme/kold-krig/groenland/

Suliniut Danmarkimi Kultureqarnermut Aqutsisoqarfik suleqatigalugu piviusunngorpoq, aqutsisoqarfiup nammineerluni oqaluttuat allat 25-t sorsunnerup nillertup nalaaneersut toq-qarpai, taakku Danmarkimi sanaartukkanut soqutiginaateqartunut tunngasuupput, aam-malu illersornissaq innuttaasunillu illersuineq pillugit oqaluttuarisaanernik pingaaruteqar-tunik takutitsisuullutik. Oqaluttuat 25-t sorsunnerup nillertup nalaaneersut uani atuarneqarsin-naapput: www.kulturstyrelsen.dk