Assi: NunaMinerals

Aatsitassarsiorfik Kalaallit Nunaat soqutigineqarunnaariartortoq

Nunat sorliit aatsitassarsiorfigissallugit soqutiginarnerannut kisitsisini Nunatta soqutiginassusaa 7-imiit 63-imut ukiuni arfinilinni appartoq.

Nunatta aatsitassarsiorfinnut soqutiginassusaa appariartuinnarpoq.

Nunat aningaasaliiffissatut soqutiginartutut Fraser Instituttip allattugaataani, 2017-imi 91-iusuni, Nunarput normu 34-iusinnarluni 2018-imi allattukkat akornanni normu  63-imut inissippoq.

Nunatta 2013-imi soqutiginassusaa periarfissanit 112-init qullasilluni arfineq aappaattut inissisimavoq.

 

Aatsitassarsiorfik misissuinermi peqataasoq ima tunngavilersuivoq: (Kalaallit Nunaanni aaqq.) Akuersissutisinissamut piumasaqaatit allanngorarput, allaffissornerlu sivisullunilu ajornakusoorpoq.

Fraser Institut naapertorlugu naatsorsuineq nunat aatsitassarsiorfigissallugit soqutiginassusaat politikkikkut, akileraarusiinikkut, tapitigut inatsisitigullu qulartoqarneratigut qanoq sunniiffigineqarnerat nalilerniarneqarpoq.

Allattuiffiup nunat immikkoortui, naalagaaffiiit, nunallu pisortatigut politikkikkullu pissutsit aatsitassarsiornissamut aningaasaliinissamut kajumissaarinersut anusinngortitsinersulluunniit aallaavigalugit tulleriinnilersortarpai. 

Nunarput soqutiginarnernut ilannguteqqissaaq. Taamaammat Sulisitsisut, Naalakkersusiut, danskit naalakkersuisui, Dansk Industri Kunngeqarfillu Canadami Torontomut ullumi aallartittumut aallartitsipput. Tassani nunarsuarmi aatsitassarsiorneq pillugu nittarsaassinerit annersaat sapaatiuppat ammassaaq.

KNR ilanngutassiortumik peqataatitsivoq, taassuma nittarsaassineq aatsitassarsiorfinnit nunanillu aatsitassarsiorfiusunit aatsitassarsiorusuttuniilluunniit inuit 26.000-it peqataaffigisaat ullunik pingasunik sivisussuseqartoq malinnaaffigissavaa.

Nunat sorliit aatsitassarsiorfissatut soqutiginarnerannut nalunaarusiaq tamaat uani danskisut allassimasoq atuarsinnaavat.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat