Ataqqinartorsuaq Dronning Margrethe Kalaallit Nunaat soqutigineqarluarpoq taamaattorli unammillernartoqarpoq
![](/sites/default/files/styles/image_934x467/public/article_images/dronningen6.png?itok=BWVSVhlt)
Ataqqinartorsuaq Dronning Margrethe aappaat, oqalugiarami ilaatigut oqarpoq, peqqarniisaarniarlutik qunusaarisut inoqatillu ikiorneqarnissaminnik pisariaqartitsisut isiginngitsuusaarneqassanngitsut.
Ukiullu tamaasa ukiortaami oqalugiartarnermini Kalaallit Nunaannut inuulluaqqussuteqarpoq.
Kalaallit Nunaannut soqutiginninnerup annertusiartuinnarnera ukiormanna misigeqqipparput, taamaakkaluartoq Kalaallit Nunaannut unammillernartoqarpoq.
Silap pissusiata allanngoraluttuinnarnera erseqqippoq aamma nunat tamat issittumut soqutiginninnerisa annertusiartuinnartup malitsigisaanik Kalaallit Nunaannut soqutiginninneq annertusivoq.
Kalaallit Nunaat taama unammillerneqartumik inissisimanera arajatsisimanngilara, ataqqinartorsuaq Dronning Margrethe taama oqarpoq.
Ataqqinartorsuup Dronning Margrethep Kalaallit Nunaanni innuttaasunut tamanut ukiortaami pilluaqqusivoq.
Kalaallit Nunaanni innuttaasunut tamanut qamannga pisumik ukiortaami pilluaqqusivunga, dronning Margrethe ukiortaami pilluaqqussuteqarluni oqalugiarama taama oqarpoq.