Kalaallit Nunaat sillimaniarnikkut suleqataanissamut piareersimanngilaq
Islandip nunanut avannarlernut ministeriata Bjørgvin Sigurdssonip siunnersuutaa ajunaarnersuarni annaassiniarnissamut sakkussanik pilersitsisariaqarneq nunatsinnit inuttassaqartinneqanngilaq.
- Qatserisartutut ilinniarsimasut ikippallaaqaat, Sisimiuni qatserisartut ilaat Morten Siegstad uparuaavoq.
- Illoqarfiit ilaanni taqamaallaat tunngaviusumik pikkorissarsimasut qatserisarfinni ittuusarput.
Qatserisartut amerlavallaartut ilinniagaqarsimannginneri inuup inuuneranik naleqarsinnaava?
- Tamanna qularinngilara. Qatserisartuusut namminneq nalunngilaat qanoq iliortussaallutik. Imminnut ilinniartinniarsarisarput isumaqarpunga, inuit imminnut ilinniartinnatik atuarfinni atuagarsornermi ilinniartariaqartut. Pikkorissarnerit iluamik ingerlanneqartuuppata inuiaqatigiit iluamik sullinneqalissapput, qatserisartoq Morten Siegstad oqarpoq.
Kursuserneq kommunit akisussaaffigaat annaassiniarnerli naalagaaffiup nakkutigisaraa. Ukiuni arlalinni inatsisiliortoqarniartaraluarpoq, piviusunngornissaalli erininarsiinnarpoq, Morten Siegstad oqarpoq.
