Assammik arsarneq Kalaallit Nunaat semifinalimut ingerlaqqippoq

Kalaallit arnartaat assammik arsarluni nunanut allanut unammisartui nunarsuaq tamakkerlugu Mexicomi pissartanngunniunnissamut anngunniunnermi unammeqataasut semifinalemut anngupput.
Allattoq Karsten Sommer
maajip 31-at 2019 06:44
Nutserisoq Jaaku Lyberth

Arsarnermi siullermi USA-mut unammigamik naligiipput aappaasaanik unamminermi Cubamiunut ajorsarput,  Cubamiut 25-eraartut kalaallit 17-eraartut.  

Kalaallit arnartaat Canadamiunut ippassaq unammigamik ajugaapput 45-nik isertitaqaramik  Canadamiut 21-nik isertitaqarlutik ajorsartut, Sara Biilmann Egede kalaallit assammmik arsarlutik nunanut allanut unammisartuisa ilaat  taama oqarpoq.

Amerikamiut Cubamiullu unammineranni Cubap ajugaaneratigut kalaallit arnartaasa assammik arsarlutik nunanut allanut unammisartui semifinalimut ingerlaqqipput.

Tamassuma anguneqarnissaa siunertarineqarpoq,  tamannalu iluatsippoq.

Semifinalemi unamminermi aqagu arfininngornermi pisussami Kalaallit Nunaat Puerto Ricomut unammissaaq.