Erseqqissaatigineqarporlu KNR-ip qinersisartunik isumasiuisitsinerani ersersimasoq Aaja Chemnitz Aki-Matilda Høegh-Damilu qinigaaqqinnissaat qinersisartunit ilimagineqartoq.Assi: Jens Dresling/Ritzau Scanpix

Kalaallit Nunaat Savalimmiullu Folketingimut qinersereernermi aalajangiisooqataanerorusuttut

Kalaallit Nunaanni Savalimmiunilu partiit sisamat Folketingimi maanna ilaasortaatitaqarnerat nikissanngitsut, isumasiuinerit takutippaat.

Meeqqat sumiginnakkat, peqqinnissaq, illersornissamut tunngasut, tamakkuupput nunatsinni Savalimmiunilu folketingimut qineqqusaarnermi qitiunerpaat.

Atlantikup avannaaneersummi Folketingimut isertussat danskit ministeriuneqarfiata sumut saqinissaanut aamma aalajangeeqataasussaapput, nutaarsiassaqartitsivik ritzau allappoq.

Erseqqissaatigineqarporlu KNR-ip qinersisartunik isumasiuisitsinerani ersersimasoq Aaja Chemnitz Aki-Matilda Høegh-Damilu qinigaaqqinnissaat qinersisartunit ilimagineqartoq.

Aammattaaq Savalimmiuni tusagassiorfik portal.fo naapertorlugu qinersisisartunik isumasiuisoqarnerata ersersissimavaa, Savalimmiuni Folketingimi issiareersut qinigaaqqissangatinneqartut

AAMMA ATUARUK Ilisimatusartoq: Folketingimut qinersinissaq pingaaruteqarpoq

Ritzauip allaaserisaani Ilisimatusarfimmi Lektorip Rasmus Leander Nielsenip oqaasia maluginiarneqarsimavortaaq, taannami oqarpoq, matumani qinersinermi danskit politikkeriisa Kalaallit Nunaanut tunngasut siornatigornit pimoorunnerussagaat, nunarsuarmimi issittumut tunngassuteqartut ukiuni kingullerni isiginiarneqartorujussuummata.

- Isumaqatigiinniarnissani aggersuni Kalaallit Nunaanni illersornissamut tunngasut qularnanngitsumik oqallisigineqarluassapput, Rasmus Leander erseqqissaavoq.

Danmarkimi nunatsinnilu novembarip aallaqqaataani qinersisoqassaaq, Savalimmiunili oktobarip 31-iani qinersisoqassalluni.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl