Assi: Flickr Creative Commons

Kalaallit Nunaat Ruslandilu aalisarnermik isumaqatigiissuteqarput

Kalaallit Nunaat Ruslandilu 2018-mi aalisarnissaq pillugu  isumaqatigiissuteqarput.   Isumaqatigiissuteqarnermi kalaallit aalisartui Ruslandinip imartaani  aamma russit aalisartui Kalaallit Nunaata imartaani ukiuni aggersuni aalisarsinnaanerannut  tunngaviuvoq. 

Russit tunumi qaleralittassaat aamma suluppaagartassaat ikilisinneqarput,  qaleralittassat 200 tonsinik suluppaagartassat 50 tonsinik.

Russit kitaani qaleralittassaat avannarpassissutsip 68o00- gradip  kujataani  00 tonsinut ikilineqarput,  avaannarpasissutsillu 68o00 gradip avannaani qaleralittassaat allannguuteqaratik.

Kalaallit Nunaat Barentshavemi 2018-mi misaqqarnartassai 50 tonsinik ilaneqarput,  saarullittassallu 600 tonsinik ikilisinneqarlutik biologit siunnersuinerata appariaateqarsimanerat pissutigalugu. 

Kalaallit Nunaata Barentshavimi raajartassai 500 tonsit suli pisassarissavai. Raajartassat taakku 2015-imi isumaqatigiissummut ilanngunneqarput taamanikkullu maannamut suli allannguuteqarsimanatik. 

Inuussutissarsiortunit aallartitat Naalakkersuisoqarfimmeersullu naliliipput isumaqatigiissut nunatsinnut Ruslandimullu naleqaqisoq, ilaatigut illuatungeriit aalisariutinik ukioq naallugu aalisarnissamut periarfissiisarmat. 

Nunatta Ruslandimik 2018-imut aalisarneq pillugu isumaqatiginninniarnera, atorfilittanit København-imi isumaqatiginninniutigineqarpoq

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat