Kalaallit Nunaat qipoqqartassinneqanngilaq

Kalaallit Nunaata qulinik qipoqqartassinneqarusunnera EU-mi ilaasortanit itigartinneqarpoq. Tamanna pivoq Chilemi arfanniarneq pillugu ataatsimiititaliarsuup IWC-p ataatsimiinnerani.
Allattoq Louise M. Kleemann
juunip 27-at 2008 08:47

Taamaalilluni Danskit naalagaaffiat EU-mi ilaasortanit allanit akerlilerneqarpoq.

Arfanniarneq pillugu ataatsimiititaliarsuarmi naalagaaffiit 80-it akornanni 20-it EU-mut ilaasortaapput. Kisitsimmi tassani Danmarki ilaanngilaq. 20-illi itigartitsinissamut naammattut, Ole Samsing, Santiagomiit ippassaq oqarpoq.

Danskit kommissæriata EU-mi ilaasortanik sunniiniarnerigaluat taamaalilluni iluatsitsinngilaq, naak tikaagulliusaartassat arfineq-pingasunik ikilisillugit taarsiullugit qipoqqarnik qulinik pisassinneqarusukkaluartoq.

Arfanniarnermut akerliusut tapersersuisullu amerlaqatigiingajammata, tamarmillu manngertitaaqalutik, Arfanniarneq pillugu ataatsimiititaliarsuup iliuuserisinnaasai killeqareeqaat.

IWC-mi ataatsimiititaliaq oqarpoq naalagaaffiit ilaasortaasut tatigeqatigiillutik imminnut aappaagu oqaluussinnaalersimanissaat anguniarlugu. Kalaallit Nunaat Danmarkilu ataatsimiititaliami ilaasortaatitaqarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq