Assammik arsarnermi VM Kalaallit Nunaat Puerto Ricomut ajorsarpoq

Arnat assammik arsartarlutik nunanut allanut unammisartut nunarsuaq tamakkerlugu pissartanngorniunnermut anngunniunnermi Puerto Ricomut semifinalimi ippassaq unnukkut unammimmata 24-28-mik ajorsarput.

- Ajoraluartumik ajorsarpugut, unamminerulli tamaat qanippugut pissanganarlunilu, nunanut allanut unammisartut ilaat Sara Biilmann Egede KNR-imut oqarpoq.

- Puerto Ricoli taava siuarpoq. Sukataaraluaqaagut, allatulli ajornaqaaq, Sara Biilmann Egede oqarpoq.

VM-imut peqataanissamut anngunniunnani Kalaallit Nunaat normu 3-nngorniunnissamut Dominikanske Republikimut maanna taava unammisussanngorpoq.

- Puerto Ricomut ajorsarnerput maanna qaangerniaqqaassavarput, normu 3-mmgorniunnissamulli taava piareersassaagut, Sara Biilmann Egede, assammik arsarlutik nunanut allanut unammuisartut sinnerlugit oqarpoq.

Nunatta nalunaaqutaa naapertorlugu unnugu nalunaaqutaq arfineq-marlunut bronzinnanniuttoqassaaq, taamaalereerpallu Puerto Rico Cubamut finalimi unammissalluni.

Ajugaasoq assammik arsarluni nunarsuaq tamakkerlugu pissartanngorniunnermut, Japanimi ukioq manna novembarimi pisussamut anngutissaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat