Kalaallit Nunaat pillugu Rundetårn-imi saqqummersitsineq
Qilapakkat assilisallu saqqummersinneqarput, aammalu taalliat atuarneqarsinnaanngorlugit saqqummersinneqarlutik. Eqqumiitsuliortut Kristian Olsen Aaju, Gerda Nietzer aamma Kristian Mainzip suliaat saqqummersinneqarput. Eqqumiitsuliortut saqqummersitsinermi peqataasut atuakkamik saqqummersitsipput ateqartumik Niviarsiaq Kalaallit Nunaata tarninga soorluttaaq saqqummersitsineq taamatut taaguuteqartinneqartoq.
Saqqummersitsinermi sikup aakiartornera assilissatigut takutinneqarpoq, timmissat piaqqiortarfimminnit allamut nuunnerat ersersinniarneqarluni. Silap pissusaata allanngoriartornera silaannaallu kiatsikkiartornera saqqummersinneqartuni takuneqarsinnaanngilaq aammaa eqqanneqanngilaq, Aviisimilu politikenimi saqqummersitsinermik naliliisup allataa aallaavigalugu silap pissuaataa allangoriartorneranut kiatsikkiartorneranullu kikkut tamatumunnga pilersitsisuunersut saqqummersinneqartut isiginnaajutigalugit eqqarsaatigineqarsinnaavoq. Avatangiisit oqaluuserineqaraangata Kalaallit Nunaat eqqarsaatigineqartarpoq, minnerunngitsumik sermip aakkiartupiloornera eqqaaneqartarluni, aviisi politiken taamatut allaaserisaqarpoq. Saqqummersitsineq jannuarip ulluisa pingajuata tungaanut takuniarneqarsinnaavoq.
