Kalaallit Nunaat pillugu piviusulersaarut DR 2-mi aallakaatinneqassaaq

Issittumi ilisimasassarsiorluni angalaneq imaannaanngitsoq takorusukkukku, taava DR2-mi unnugu qulingiluanut qiteqquppat aallakaatitassiaq isiginnaarsinnaassavat. Filmi pisimasuinnik tunngavilik "Ekspeditionen til verdens ende" aallakaatinneqarumaarami.
Allattoq Mads Lynge
decembarip 17-at 2013 07:23

Ilisimasassarsiorluni angalaneq ullutsinni pivoq, filmilu pisimasuinnik tunngavilik akunnerup aappaata qeqqanik sivisutigisoq ukioq manna immiussaallunilu saqqummersinneqarnikuulluni.

Umiarsuaaraq pingasulik Tunup avannaarsualiartinneqarpoq, ilaasullu tassaapput eqqumiitsuliortut assigiinngitsut ilisimatuullu ujarassiooq Minik Rosing siuttoralugu.

Qanga tupeqarfissuusimasut alakkarterneqarput, ilisamatuut eqqimiitsuliortullu nannumit pissanganartorsiortinneqarput, uumasorlu siornatigut siumorneqarsimanngitsoq aamma siumorneqarluni.

Apeqqutit imaannaanngitsut akissutisiniarneqarput oqallisigineqarlutillu, filmilu quianartortalinnik ulikkaarpoq, soorlu aamma assinik nuannerluinnartunik ulikkaartoq.

Pissanganartutut tamanna isigigukku taava tassa DR2 unnugu nalunaaqutaq qulingiluanut qiteqquppat isiginnaaginnarumaarpat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq