Filmen følger fire unge, stærke og dynamiske grønlændere, som er dybt uenige om landets fremtid. Assi: Ulrik Gutkin (CFC Kort & Dok)

Kalaallit Nunaat pillugu akiuunermut ilitsersuisoq isornartorsiorneqarnerminut illersortoq: Ugguanngilanga

Film.gl-ip siulittaasuata piviusulersaarusiamik, Kalaallit Nunaat pillugu akiuunnermut ilitsersuisup oqallinneq aallarnigaa isornartorsiorpaa. Isiginnaagassiaq filmfestivalimi qassiiusuni itigartitsissutigineqarpoq – ilitsersuisorli aalajangiusimaannarpoq.

Isiginnaagassiamik ilitsersuisup, Kenneth Sorentop canadamiut filmfestivalianit, Imagine Nativemit itigartinneqarnini pissutigalugu oqallinnermik aallartitsinera tunngaviusumik kukkunerullunilu nunap inoqqaavinut piumasaqaatinik paasisakinneruvoq.

Filmilianik suliaqarfiup, Film.gl-ip siulittaasua, Klaus Georg Hansen taama isumaqarpoq.

Kampen om Kampen om Grønland
 

  • Kalaallit Nunaat pillugu akiuunneq piviusulersaarutaavoq, danskimit ilitsersuisumik Kenneth Sorentomik isiginnaagassiarineqartoq.

 

  • Piviusulersaarut Kalaallit Nunaata nammiliivinnissamut naalagaaffeqatigiillu siunissaannut pisinnaasaqarnera pillugu oqallinnermik tunngaveqarpoq. 

 

  • Isiginnaagassiaq piviusulersaarusianut festivalimi CPH:DOX-imi marsimi ammaanermi siulliullugu isiginnaartinneqartussaagaluarpoq, festivalili corona pissutigalugu taamaatiinnarneqarpoq.

 

  • Isiginnaagassiaq tamatuma kingorna festivaalinit qassiiusunit itigartitsissutigineqarpoq - ilaatigut canadamiut festivaalianit Imaginenativemit. Imaginenativep isiginnaagassiat nunap inoqqaavinit ilitsersuisuuffigineqartut kisimik takutittarpai.

 

  • Taamaammat Kenneth Sorentop isiginnaagassiani qaamasumik ameqarnini tunngavigalugu itigartinneqarnerarpaa. Tamannalu oqallittoqangaatsialerneranik kinguneqarpoql

 

 

  • Kenneth Sorento nunatsinni isiginnaagassiortarfimmit Film.gl-imit, Ullu Storiesimit Nuuk International Filmfestivalimillu ammip qalipaataanik immikkoortitsisoqarneraanera pillugu isornartorsiorneqarpoq. 

- ImagineNativetut ittunik killilimmik periarfissaqartitsisumik soorunami inissaqartitsisoqarnissaanut ilimasunnginnera tupaallaatigaara. Tassa nunap inoqqaavisa isiginnaagassiaat tunngavineqarsinnaanissaat, taanna oqarpoq.

Tamatuma saniatigut Klaus Georg Hansenip oqallinneq kukkusumik tunngavilimmik pilersinneqarsoraa: Isiginnaagassiaq nittartakkatigut pissarsiarineqarsinnaaguni festivaalip pilersaarutaanni ilaasinnaanngilaq.

AAMMA ATUARUK Kalaallit Nunaat pillugu akiuuneq filmfestivalimi ilaassanngitsoq: Qaamasumik ameqarama, ilitsersuisoq isumaqarpoq

- Kinaluunniit isiginnaagassiortuugaluarpat festivaalimit allanik aamma tunngaveqarpoq. Isiginnaagassiaq nittartakkatigut pissarsiarineqarsinnaaguni taava festivaalimi isiginnaartinneqarsinnaanngilaq, Klaus Georg Hansen oqarpoq.

Taassuma Kalaallit Nunaat pillugu akiuunnerup DR-ip nittartagaatigut isiginnaarneqarsinnaanera oqaatigaa.

Isiginnaagassiamik ilitsersuisoq isornartorsiuineq pillugu: ”Kukkuneruvoq”

Kenneth Sorentop isornartorsiuineq itigartitsissutigaa.

Taassuma ImagineNative Kalaallit Nunaat pillugu akiuunnermik kisimi itigartitsissuunnginnerarpaa.

- Taassuma (Klaus Georg Hansen aaqq.) ImagineNative kisimi ukkataraa. Uanga festivalit amerlasuut ilaattut, ImagineNative qaamasumik amillit nunap inoqqaavinut tunngasumik isiginnaagassianik ajornartorsiuteqartutut erseqqissaatigaara. 

AAMMA ATUARUK Film.gl: Kalaallit Nunaat pillugu akiuunneq soorunami festivalimi itigartinneqarpoq

Kenneth Sorentop festivaalit Hot Docs, Tribeca, Steffield aamma Tel Aviv filmit isiginnaagassiamik ilaatitsinngitsutut oqaatigai. Taakkunanngali itigartitsineq ilitsersuisup qaamasumik ameqarneranik toqqaannartumik pisortatigoortumik tunngavilerlugu itigartitsissutigineqanngilaq.

- Itigartitsinerit tunngavilerneqartarnerat qaqutigoorpoq, kisianni nunap inoqqaavi pillugit isiginnaagassiat qaamasumik amilimmit suliarineqartut nuannarineqarneq ajortut nalunngilarput. Isiginnaagassiat taakku aalajangiusimasumik itigartitsissutigineqartarput, ilitsersuisoq oqarpoq.

Taamaattoqaqqajuttoq isumaqarpoq - ilitsersuisorlu Det Danske Filminstitutimit 

taperserneqarpoq.

Filminstruktør Kenneth Sorento på job Filminstruktør Kenneth Sorento på job

Kenneth Sorentop oqallinnermut tunngaviup kukkunerarneqarnera itigartitsissutigaa. Taassuma Kalaallit Nunaat pillugu akiuunneq ImagineNativemut nassiukkamiuk isiginnaagassiaq DR-p nittartagaani pissarsiarineqarsinnaanngilaq.

Ugguaateqanngitsoq

Kenneth Sorentop isiginnaagassiamik Kalaallit Nunaat pillugu akiuunnermik nunatsinni nunanilu allani matumani aamma Danmarkimi filmfestivaalini assigiinngitsuni ilaatitsiniarnermini misigisani oqaatigimmagit oqallittoqangaatsialerpoq.

Taanna ugguaateqanngilaq.

- Kiap kina pillugu oqaluttuarsinnaatinneqarneranut oqallinnermik aallartitserusuppunga. Danskisut qaamasumik ameqarlunga Kalaallit Nunaanneersuunngikkuma kalaallit pillugit oqaluttuarsinnaanngikkuma tamanna kipparippallaaqaaq, ilitsersuisoq oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat