Kalaallit Nunaat nunarsuarmi siullersaallu kræftimut akiuussutissamik kapisisalerniarpoq
Aningaasanut inatsimmi 2008-imi atuuttussammi akiuussutissamik HPV-imik taaguteqartumik kapisisalernissaq ilanngunneqarpoq. Taamaalillutik Kalaallit Nunaani niviarsiaqqat aqqaneq marlunnik ukiullit akeqanngitsumik illissap paavatigut kræfteqalernissamut akiuussutissamik kapitissinnaalerput, nukappiaqqallu aamma aqqaneq marlunnik ukiullit kinguaassiuutimikkut unngoqalernissamut akiuussutissamik kapitissinnaalerlutik.
HPV-mik akiussutissamik kapisisalernissaq aningaasaliiffigineqarnerata kinguninngua, peqqissutsimut pisortaqarfimmi nakorsaanerusup Ade Ojeniyip naatsersuutigaa, sinerissami nakorsat nukappiaqqanik niviarsiaqqanillu akiuussutissamik kapisisarnitik aallartereersinnaagaat, aviisi Politiken ullumi saqqummersoq taamatut aallaaserisaqarpoq.
Nukappiaqqat HPV virusip akiuutissaannik kapitinneqarnissaannik neqeroorfigineqarsinnaanerannut pissutaavoq, kinguaassiuutitigut unngoqalertarneq 90 procentiisa missaat arnanut angutinullu tunillaassuuttarmat.
Taamaattumillu qularutigina nukappiaqqat aama akiuussutissamik kapitinneqartarnissaat pisariaqartissimavarput, Ade Ojeniyi aviisimi Politikenimi ullumi taamatut issuarneqarpoq.
Akiuussutissamik kapisisarnermi, piffisami sivisunerusumi, ukiumut arnat arfinillit arfineq marlulluunniit inuunerat annaanneqarsinnaasut Kalaallit Nunaanni Peqqutsimut oqartussaasuisa naatsersuutigaat.
Akiuussutissamik kapisisarnissamut aningaasat 2,5 millioner koruunit atugassanngortinneqarput, ungasinnerusorlu eqqarsaatigalugu kræfteqartut suliaritittarnissaannut 2 milliuuunit sipaarutiginiarneqarlutik, aviisi politiken ullumi saqqummersoq taamatut allaaserisaqarpoq.
