Kalaallit Nunaat maligassatut isigaat

Akilinermi nunap immikkoortuani Nunavummi naminersornerup eqqunneqarnera iluatsissimanersoq Canadami aviisit anginersaannit Globe and Mailimit nalilersorneqarmat Kalaallit Nunaat assersuutitut atorneqarpoq.

Kalaalllit Nunaanni  maannamut angusarineqarsimasut Nunavummi anguneqassappata piffissaq sivisooq qaanngiuppat aatsaat atuutilersinnaasut aviisimi allaaserineqarpoq.

Nunavut apriilip aallaqqaataani 1999-imi Namminersortunngorpoq. Nunavummi innuttaasut 33.000-inik amerlassuseqarput, taakkua nunaqarfinni illoqarfinnilu 25-ni najugarput.

Namminersortunngornermut ulloritinneqartoq apriilip aallaqqaataa  malunnartillugu aviisi Globe and Mail Nunavut immikkut allaaserisaqarpoq.

Nunavummi Namminersornerup eqqunneqarnera naggueqatigiinnut Inunnut siuariarnerujussuartut suaarutigineqarpoq. Naalakkersuisut nutaat naalakkersuisunngormata inuit amerlanerussuteqarput pisortallu allafeqarfii inunnit aqunneqalerlutik.

Atorfilittat 80 procentii naggueqatigiinnit inunninngaaneersuunissaat sinniunneqaraluarpoq ullumikkulli atorfillittat akornanni 25 procentii naggueqatigiinnit inunnit pisuupput.

Namminersorneq eqqunneqarmat Inuit kulturiat oqaasiilu ajunnginnerusunik siunissaqalernissaat neriuutigineqarsimagaluarpoq. Namminersorneq ukiut aqqaneq-marluk atuutereersoq qulakkeerlugu paasineqarpoq siunniunneqartut taamatut ingerlanngitsut.

Namminersornerup eqqunneqarnerata kingorna persuttaanerit pinerluttuliornerillu Canadap sinneranut sanilliullugit qulingiluariaammík amerlanerupput.

Nunavummi pinerluttuliornerit, Sydafrikami Mexicomilu pinerluttuliortarnertut annertutigipput.  
Nunavummi toqutsinerit Canadap sinneranut sanilliullugit amerlanersaapput, imminnullu toquttartut Canadap sinneranut sanilliullugit 40-riaammik amerlanerullutik.

Nunavummi inissiat Canadap sinnerani inissianut sanilliullugit ajornerpaapput, taamaattumillu sakialluulluummik nappaat inuit akornanni tuniluuttuulluni.

Meeqqat quliugaangata arfineq-marluk piitsutut inuuneqarput, ullormut naammattunik nerisaqarneq ajorlutik.

Meeqqat unnuaannakkut aqqusinerni takussaapput, angerlarsimaffinni toqqissisimannginneq pissutigalugu aqqusinerni aneerlutik toqqissisimanarnerutikkamikku.

- Nunavut 1999-imi namminersortunngornissaminut  piareersimasimanngitsoq maannakkut takuneqarsinnaavoq, Eqaluit borgmesteriat Madeleine Redfern aviisimi Globe and Mailimi apersorneqarluni taamatut oqarpoq.  

Neriuuteqartoqarporli.  Kalaallit Nunaat malittassatut assersuutissaqqippoq, aviisi taamatut allaaserisaqarpoq. Nunavummi naalakkersuisut siulittaasuata Eva Aariap, ilinniartitaaneq siuarsarniarlugu nutaamik politikkeqalernissaq pingaarnertut suliniutigigaa, aviisi  Globe and Mailimi allaaserineqarpoq.

- Ajornartorsiutit ilisimaneqarput maannakkullu tamakku pillugit oqaluuserineqartalerput, tamannalu allanit pingaarneruvoq, Eva Aariak oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat