Kalaallit Nunaat ilinniartitsissutigineqartalissasoq
Operation Dagsværkimi nammineq kajumissutsiminnik sulisut, Operation Dagsværkip allattoqarfia sinnerlugu Nuummut, Qaqortumut, Narsarsuarmut Kangerlussuarmullu sapaatip akunneri pingasut kingulliit taamaammat tikeraarput, paasissutissanik katersiniarnertik pillugu Nunatsinni tikeraarlutik.
Paasissutissat katersorneqartut paasititsiniaanermut atorneqassapput, Kalaallit Nunaatalu Danmarkimi ilinniarnertuunngorniarfinni ilinniartitsissutigineqartalernissaa siunertaalluni.
- Qallunaat Kalaallit Nunaat pillugu ilisimasakippallaarput. Ilinniartuuneq tamaat Kalaallit Nunaat pillugu ilaatigut ilinniartitsisoqarneq ajorpoq. Danmarkilu pillugu Kalaallit Nunaanni annertuumik ilinniartitsisoqartarpoq, assigiinngissullu taanna suliniutitigut iliuuseqarfiginiarsaraarput, Astrid Toft, Operation Dagsværkip allattoqarfiani nammineq kajumissutsiminik sulisoq tusagassiuutinut nalunaarummi ilaatigut taama oqarpoq.
Suliniut "Danmark Kalaallit Nunaallu paaseqatigiilluartut" kalaaliaqqat qallunaajaqqalu sammineqarput, taakku naligiimmik inissinneqarlutik.
Kalaallit inuuniarnikkut ajornartorsiuteqartut pillugit suliniuteqartoqarnissaa pillugu Operation Dagsværk aningaasanik ukioq manna katersiniarpoq, kalaallit inuusuttut inuuniarnikkut ajornartorsiuteqartut ikiorneqarsinnaanissaat anguniagaalluni.
AAMMA ATUARUK Operation Dagsværk kalaallit inuusuttaannut aningaasanik nassiussiniartoq